ოთხშაბათს, 26 მარტს, ნატო-ს გენერალური მდივანი მარკ რუტე ვარშავას ეწვევა, სადაც შეხვედრებს გამართავს პოლონეთის ოფიციალურ პირებთან.
რუტე პოლონეთის დედაქალაქში შეხვდება პრეზიდენტ ანჯეი დუდას, პრემიერ-მინისტრ დონალდ ტუსკს, თავდაცვის მინისტრს ვლადისლავ კოსინიაკ-კამიშს და საგარეო საქმეთა მინისტრს რადოსლავ სიკორსკის.
ტუსკთან შეხვედრის შემდეგ დაგეგმილია რუტესა და პოლონეთის პრემიერ-მინისტრის ერთობლივი განცხადებები პრესისთვის.
ნატო-ს გენერალური მდივანი ასევე სიტყვით გამოვა ვარშავის ეკონომიკის სკოლაში.
