უნგრეთის საგარეო საქმეთა მინისტრმა პიტერ სიიარტომ კიდევ ერთხელ დაადანაშაულა უკრაინა ზაკარპატიაში უნგრული უმცირესობის უფლებების დარღვევაში და განაცხადა, რომ უნგრეთი არ დაუშვებს უკრაინის გაწევრიანებას ევროკავშირში, ვიდრე ეს საკითხი არ მოგვარდება. ამის შესახებ სიიარტო Facebook-ზე წერს.
სიიარტომ კვლავ დაადანაშაულა უკრაინა ზაკარპატიაში უნგრული უმცირესობის უფლებების დარღვევაში და აღნიშნა, რომ უკრაინის მთავრობას, მიუხედავად დაპირებებისა, „არ აღუდგენია [უნგრელების] უფლებები, რომლებიც მათ წაართვეს 2015 წელს“.
„დღეს სატელეფონო საუბარი მქონდა ჩემს ახალ ავსტრიელ კოლეგასთან ზაკარპატიაში უნგრული თემის უფლებების მუდმივ დარღვევასთან დაკავშირებით.
მე ძალიან ვაფასებ ბეატე მაინლ-რაიზინგერის დახმარების მზადყოფნას , მაგრამ სიტუაცია უცვლელი რჩება: მიუხედავად მუდმივი დაპირებებისა და ლამაზი სიტყვებისა, უკრაინის მთავრობას ჯერ კიდევ არ დაუბრუნებია უნგრული თემისთვის უმცირესობის უფლებები, რომლებიც წაერთვა 2015 წლიდან.
ამგვარად, სანამ ეს სამწუხარო ვითარება შენარჩუნდება, ვერ იქნება პროგრესი უკრაინის ევროკავშირში გაწევრიანების შესახებ მოლაპარაკებებში“, - წერს სიიარტო.
