„ჰამასმა“ უგულებელყო აშშ-ის პრეზიდენტის დონალდ ტრამპის ბოლო მუქარა, და უარს ამბობს გაათავისუფლოს ისრაელელი მძევლები ღაზის სექტორში მუდმივი ცეცხლის შეწყვეტის გარეშე, იუწყება Fox News.
ჰამასის სპიკერმა აბდელ-ლატიფ ალ-კანუამ განაცხადა, რომ „საუკეთესო გზა დარჩენილი ისრაელელი მძევლების გასათავისუფლებლად“ არის მოლაპარაკებები ცეცხლის შეწყვეტის შეთანხმების მეორე ეტაპზე.
ცნობილია, რომ ცეცხლის შეწყვეტის პირველი ეტაპი, რომელიც 42 დღეს გაგრძელდა, შაბათს დასრულდა. მეორე ეტაპი თებერვლის დასაწყისში უნდა დაწყებულიყო, მაგრამ ჯერჯერობით მხოლოდ შეზღუდული მოსამზადებელი მოლაპარაკებები გაიმართა.
აღნიშნულია, რომ ჰამასის პასუხი მას შემდეგ გაჟღრედა, რაც ტრამპი შეხვდა ყოფილ მძევლებს ვაშინგტონში და გამოაქვეყნა "საბოლოო გაფრთხილება" ტერორისტებისთვის თავის სოციალურ მედია პლატფორმა Truth Social-ზე.
„გაათავისუფლეთ ყველა მძევალი ახლა, არა მოგვიანებით და დაუყოვნებლივ დააბრუნეთ თქვენ მიერ მოკლული ყველა ადამიანის ცხედარი ან ეს თქვენთვის დასასრული იქნება“, - დაწერა ტრამპმა.
ვუგზავნი ისრაელს ყველაფერს, რაც საჭიროა სამუშაოს დასასრულებლად, და რომ „ჰამასის“ არც ერთი წევრი არ იქნება დაცული, თუ არ გააკეთებს იმას, რასაც ის ამბობს.
ასევე, ღაზას მოსახლეობას: მშვენიერი მომავალი გელოდებათ, მაგრამ არა იმ შემთხვევაში, თუ მძევლები გეყოლებათ. თუ თქვენ ამას გააკეთებთ, მოკვდებით! მიიღეთ გონივრული გადაწყვეტილება. გაათავისუფლეთ მძევლები ახლავე, თორემ მოგვიანებით ჯოჯოხეთურ ფასს გადაიხდით!“, – წერს დონალდ ტრამპი.
