დონალდ ტრამპის ადმინისტრაცია ოვალურ კაბინეტში დაპირისპირების შემდეგ ვოლოდიმირ ზელენსკის შემდეგ ნაბიჯებს ელოდება. ამის შესახებ NBC News-ს თეთრი სახლის რანდენიმე ოფიციალური პირი ესაუბრა. ამის შესახებ უკრაინული მედია NBC News-ზე დაყრდნობით წერს.
NBC News-ის წყაროები აცხადებენ, რომ თეთრი სახლის ინციდენტი "საერთოდ არ იყო დაგეგმილი" და იყო "სრულად საპირისპირო, რასაც ხალხის უმეტესობა ელოდა შეხვედრისგან".
წყაროების ცნობით, ტრამპის ადმინისტრაციის წარმომადგენლები უკმაყოფილო იყვნენ, რომ წიაღისეულის შეთანხმებაში უკრაინული მხარე, დაჟინებით მოითხოვდა შეხვედრის დაწყებამდე შესაბამისი ცვლილებების შეტანას.
„ზელენსკისთვის აბსოლუტურად ნათელი იყო, რომ ამ შეთანხმებაში უსაფრთხოების გარანტიები არ იქნებოდა“, - განუცხადა ერთ-ერთმა წყარომ NBC News-ს.
თეთრი სახლის ოფიციალური პირები აცხადებენ, რომ არ არიან დარწმუნებულნი, რა შეუძლია გააკეთოს ზელენსკიმ, რათა დაარწმუნოს ტრამპი განაახლოს მოლაპარაკებები მასთან, რომელიც ჯერ კიდევ არ არის დარწმუნებული, რომ უკრაინის პრეზიდენტს სურს მოლაპარაკება "ომის დასრულებაზე".
ამავე დროს, შეკითხვაზე, შესაძლებელია თუ არა შეერთებული შტატების თანამშრომლობა უკრაინის პრეზიდენტთან „სამშვიდობო შეთანხმების“ მისაღწევად, NBC News-ის ერთ-ერთმა თანამოსაუბრემ უპასუხა: „მე მაინც ვფიქრობ, რომ დიახ“.
"ბურთი პრეზიდენტ ზელენსკის მოედანზეა. პრეზიდენტი მიიჩნევს, რომ ზელენსკი უნდა დაბრუნდეს მოლაპარაკების მაგიდასთან და ის უნდა იყოს ის, ვინც მოვა და მოაგვარებს ყველაფერს", - თქვა კიდევ ერთმა წყარომ.
