ბრიტანეთის პრემიერ-მინისტრმა კირ სტარმერმა შაბათს საღამოს პრეზიდენტ ვოლოდიმირ ზელენსკისთან მოლაპარაკების წინ განაცხადა, რომ ბრიტანეთი გააგრძელებს უკრაინის მხარდაჭერას ვიდრე საჭირო იქნება. იუწყება BBC
სტარმერის თქმით, გაერთიანებული სამეფო მტკიცედ და ურყევად აქვს გადაწყვეტილი უკრაინაში მდგრადი მშვიდობის მიღწევა.
ზელენსკიმ მადლობა გადაუხადა სტარმერს მხარდაჭერისთვის და მადლობა გადაუხადა მეფე ჩარლზ III-ს, რომელიც მის მიღებას დათანხმდა
„ძალიან მოხარული ვართ, რომ ასეთი პარტნიორები და მეგობრები გვყავს“, - განაცხადა ზელენსკიმ.
შეხვედრის დაწყებამდე ლიდერები ფოტოებისთვის ცოტა ხნით შეჩერდნენ, ათ ჟურნალისტების შეკითხვებისთვის არ უპასუხიათ.
ზელენსკი ლონდონში ვაშინგტონიდან დღეს ჩაფრინდა.
ზელენსკი ხვალ სტარმერის მიერ ორგანიზებულ ევროპელ ლიდერთა სამიტს დაესწრება. შეხვედრაზე განიხილება უსაფრთხოების გარანტიები, რომლებიც ევროპას შეუძლია შესთავაზოს უკრაინას რუსეთთან ომის დასრულების შემდეგ.
