"აზერბაიჯანთან ურთიერთობას მოაქვს ის, რომ გვაქვს ფიქსირებული მრავალწლიანი კონტრაქტი, რომლის მიხედვითაც გაზის ფასი არ უნდა გაიზარდოს" - განაცხადა საქართველოს პრეზიდენტმა მიხეილ სააკაშვილმა ფოთში, გვათუების ოჯახში სტუმრობისას.
მისი თქმით, აზერბაიჯანთან კარგი ურთიერთობა საქართველოს ეკონომიკის განვითარებისთვის ერთ-ერთი მთავარი ხელშემწყობია.
"მინდა ყველას გვესმოდეს, აზერბაიჯანთან ჩვენს თანამშრომლობას რა მოაქვს. აზერბაიჯანთან ურთიერთობას მოაქვს ის, რომ გვაქვს ფიქსირებული მრავალწლიანი კონტრაქტი, რომლის მიხედვითაც, გაზის ფასი არ უნდა გაიზარდოს, იმ პირობებში, როდესაც მსოფლიოში ყველაფერი დანარჩენი არის არა პროგნოზირებადი. ჩვენი ეკონომიკის განვითარების ერთ-ერთი მიზეზი არის ის, რომ გვაქვს ენერგეტიკული წყაროების მომარაგების სტაბილური საშუალება. ეს არის ჩვენი აზერბაიჯანთან კარგი ურთიერთობისა და მეზობლობის შედეგი", - აღნიშნავს საქართველოს პრეზიდენტი.
დღეს ფოთში გაზი შეიყვანეს. გაზიფიცირების სამუშაოს აზერბაიჯანული კომპანია "სოკარი" ახორციელებს. ფოთის სრულ გაზიფიცირებას "სოკარი" წელიწად-ნახევარში დაასრულებს.