სამოქალაქო მოძრაობის "სოლიდარობა უკანონო პატიმრებს" ლიდერი ეკა ბესელია მოითხოვს საპატრიარქოს მოთხოვნების დაკმაყოფილებას თურქეთის ტერირორიაზე ქართული ტაძრების აღდგენის შესახებ. ამის შესახებ ბესელიამ ოფიციალური განცხადება გაავრცელა.
ვეხმიანები საპატრიარქოს მიერ გავრცელებულ განცხადებას თურქეთის ტერიტორიაზე ქართული ტაძრების აღდგენის შესახებ და უმნიშვნელოვანესად მიმაჩნია საპატრიარქოს მოთხოვნის დაკმაყოფილება. სახელმწიფო ვალდებულია საპატრიარქოს პოზიციის გათვალისწინებით აწარმოოს მოლაპარაკებები ისტორიული ძეგლების რესტავრაციისა და მისი საკუთრების დაცვის მიზნით. როგორც ცნობილია ქართულ და თურქულ მხარეებს შორის მიმდინარეობს მოლაპარაკება თურქეთის ტერიტორიაზე ქართული ტაძრების აღდგენის შესახებ, სანაცვლოდ კი, საქართველოს ტერიტორიაზე რამდენიმე მეჩეთის აღდგენისა და ერთის აშენების თაობაზე. საქართველოს საპატრიარქომ რამდენიმე დღის წინ განცხადება გაავრცელა და გააპროტესტა, რომ საპატრიარქო მოლაპარაკების პროცესში ჩართული არ არის", -აღნიშნულია განცხადებაში.
ბესელია მიიჩნევს, რომ ქართული ძეგლები უნდა აღდგეს, მაგრამ შეთანხმება უნდა შედგეს მხოლოდ თანაბარ პოზიციაზე მყოფი სახელმწიფოების დონეზე.
"მხარს ვუჭერთ საპატრიარქოს მოთხოვნას ამ საკითხთან დაკავშირებით სამართლიანობის და თანაბარუფლებიანობის დაცვასთან დაკავშირებით", - დასძენს ეკა ბესელია.
