დონალდ ტრამპის ადმინისტრაცია გეგმავს დიდი გარიგების დადებას ალექსანდრ ლუკაშენკასთან ბელარუსი პოლიტპატიმრების გასათავისუფლებლად.
The New York Times-ის ცნობით, ამის შესახებ აშშ-ის სახელმწიფო მდივნის თანაშემწის მოადგილემ კრისტოფერ სმიტმა ვილნიუსში დასავლელ დიპლომატებთან დახურულ შეხვედრაზე ისაუბრა.
12 თებერვალს დონალდ ტრამპი ტელეფონით ესაუბრა რუსეთის პრეზიდენტს ვლადიმირ პუტინს და უკრაინაში მიმდინარე რუსეთისომის დასასრულებლად მოლაპარაკებების დაწყების შესახებ განაცხადა.
ამის შემდეგ აშშ-ის სახელმწიფო დეპარტამენტის წარმომადგენელი მინსკში ხუთი წლის განმავლობაში პირველად ჩავიდა.
კრისტოფერ სმიტმა მოლაპარაკება გამართა ალექსანდრ ლუკაშენკასთან და ბელარუსის უშიშროების სამსახურის ხელმძღვანელთან, რის შედეგადაც გაათავისუფლეს სამი პატიმარი, მათ შორის აშშ-ის მოქალაქე.
„ორივე მოვლენა გახდა სიგნალი ვაშინგტონის მიდგომაზე დასავლეთში მათი რეპრესიული პოლიტიკისა და უკრაინაში ომის გამო არაპოპულარული ლიდერების იზოლაციასთან დაკავშირებით“, - წერს NYT.
ვილნიუსში დიპლომატებთან შეხვედრაზე სმიტმა სამი პატიმრის გათავისუფლებას უწოდა "სპეციალური ოპერაცია" და "უზარმაზარი გამარჯვება და პასუხი მშვიდობის პოლიტიკაზე პრეზიდენტ ტრამპის ძალისხმევის შედეგად".
მისი თქმით, შემდეგი ნაბიჯი უნდა იყოს „დიდი საქმე“, რომლის მიხედვით, ლუკაშენკა გაათავისუფლებს ბევრ პოლიტიკურ პატიმარს.
სანაცვლოდ, შეერთებულმა შტატებმა უნდა შეამსუბუქოს სანქციები ბელარუსული ბანკების წინააღმდეგ და კალიუმიანი სასუქების ექსპორტზე, რომლის მთავარი მწარმოებელი ბელარუსია.
დამსწრეების თქმით, ვილნიუსის შეხვედრაზე სმიტმა მიიღო ლუკაშენკასგან გარანტიები, რომ მზად არის შეარბილოს რეპრესიები ბელარუსში.
ამერიკელმა დიპლომატმა ამ პროცესში შეერთებული შტატების მთავარ მიზნებად დაასახელა დიდი რაოდენობით პოლიტპატიმრების გათავისუფლება, ასევე განზრახვა, რომ „ლუკაშენკას გარკვეული ამოსუნთქვის საშუალება მიეცეს რუსეთის გავლენის ორბიტის მიღმა“.
აშშ-ის სახელმწიფო დეპარტამენტმა ლუკაშენკასთან კონტაქტების ან გარიგების შესახებ ოფიციალურო ინფორმაცია არ გაუვრცელებია.
