ევროკომისიის პრეზიდენტმა ურსულა ფონ დერ ლაიენმა 3 თებერვალს ევროკავშირის ლიდერების არაფორმალური სამიტის შემდეგ გამართულ პრესკონფერენციაზე განაცხადა, რომ ევროკავშირი მზად არის შეერთებულ შტატებთან პრაგმატული თანამშრომლობისთვის, მაგრამ მზად არის მტკიცე პასუხი გასცეს უსამართლო თავდასხმების შემთხვევაში.
„ევროკავშირი მზად არის შეერთებულ შტატებთან მკაცრი, მაგრამ კონსტრუქციული დიალოგისთვის. და ჩვენ მზად ვართ ამისთვის.
მაგრამ ჩვენ ასევე ვაღიარებთ პოტენციურ გამოწვევებს შეერთებულ შტატებთან ურთიერთობაში. უსამართლო ან თვითნებური თავდასხმების შემთხვევაში, ევროკავშირი მზად არის რეაგირებისათვის“, - განაცხადა ფონ დერ ლაიენმა.
ევროკომისიის პრეზიდენტმა აღნიშნა, რომ აშშ-ის მიერ კანადისა და მექსიკის წინააღმდეგ დაწესებული მაღალი ტარიფები „ქმნის არასაჭირო ეკონომიკურ შოკებს და ასტიმულირებს ინფლაციას“.
"ჩვენ ამაში კარგს ვერაფერს ვხედავთ. ამიტომ ჩვენ პრიორიტეტს ვანიჭებთ პროდუქტულ დისკუსიებს და ადრეულ სტადიაშივე ჩართულები ვართ. რა თქმა უნდა, ჩვენ სრულად ვაცნობიერებთ იმ ფაქტს, რომ ჩვენ გვაქვს პოტენციური გამოწვევები, რომლებიც უნდა გადავლახოთ. ჩვენ უნდა შევასრულოთ საშინაო დავალება - ფოკუსირება ევროკავშირის კონკურენტუნარიანობაზე", - თქვა ფონ დერ ლაიენმა.
