14 დეკემბერს მიხეილ ყაველაშვილის არჩევის დღეს პარლამენტის წინ აქცია გაიმართება. ინფორმაციას ამის შესახებ მოძრაობა „ჯიუტი" აანონსებს.
„14 დეკემბერს, დილის 9 საათზე, არალეგიტიმური პარლამენტის მიერ პრეზიდენტობის გაუნათლებელი (რაც მისი ერთადერთი მინუსი სულაც არაა) კანდიდატის - მიხეილ ყაველაშვილის - არჩევის პროცესის პარალელურად, პარლამენტის მიმდებარედ შეკრებილებს მოვუწოდებთ, თან იქონიონ ქართული და უცხოური უნივერსიტეტების მიერ გაცემული და საქართველოში სრულიად დაუფასებელი ქაღალდი - უმაღლესი განათლების დამადასტურებელი დიპლომი.
ამ ფორმით გვსურს გამოვხატოთ პროტესტი დე ფაქტო ხელისუფლების მიერ მართული გაუნათლებლობის წამახალისებელი კამპანიის მიმართ", - ნათქვამია განცხადებაში.
