საპოლიციო ძალებმა მშვიდობიანი აქციის კიდევ ორი მონაწილე დააკავეს.
გიორგი შატბერაშვილი, იმ დროს დააკავეს, როდესაც აქციიდან სახლში ბრუნდებოდა.
მას ოჯახის წევრები 2 საათის განმავლობაში ვერ უკავშირდებოდნენ. მოგვიანებით კი მის ცოლს შეატყობინეს, რომ გიორგი შატბერაშვილი ადმინისტრაციული სამართალდარღვევისთვის დააკავეს. მას ადმინისტრაციულ სამართალდარღვევას ედავებიან.
დაკავებულია 19 წლის ლუკა ღვინიაშვილიც - ის სავარაუდოდ, სამოქალაქო ფორმაში ჩაცმულმა პირებმა საკუთარი ავტომობილიდან აიყვანეს. მასაც ადმინისტარციულ სამართალდარღვევას ედავებიან.
ლუკა ღვინიაშვილი, თბილისში, ნაფარეულის ქუჩაზე 12 დეკემბერს დააკავეს და ამჟამად ის დიღმის იზოლატორშია.
