საქართველოში უახლოეს კვირებში ჩამოვა ტექნიკური მისია, რომელიც 26 ოქტომბრის საპარლამენტო არჩევნების დარღვევებს შეისწავლის.
ამის შესახებ “რადიო თავისუფლებას“ ევროკომისიის სპიკერმა საგარეო ურთიერთობათა საკითხებში პიტერ სტანომ განუცხადა.
"საამისოდ მზადება მიმდინარეობს. მისიის შესახებ უფრო მეტი დეტალი შესაფერის დროს გახდება ცნობილი", - უპასუხა წერილობით რადიო თავისუფლებას პიტერ სტანომ.
გარდა ამისა, პიტერ სტანოს თანახმად, ევროკავშირის წევრი სახელმწიფოების წინაშე მოხსენებით წარდგება ეუთო/ოდირის სადამკვირვებლო მისიის ხელმძღვანელი, რომელიც შეაფასებს, "როგორ უპასუხეს საჩივრებს საარჩევნო დარღვევებზე".
საქართველოში ტექნიკური მისიის გამოგზავნის შესახებ 18 ნოემბერს ჯოზფპ ევროკავშირის უმაღლესმა წარმომადგენელმა საგარეო და უსაფრთხოების პოლიტიკის საკითხებში ბორელმა განაცხადა
