რაღაც უნდა მოგვიხერხონ, გადაგვაჯიშონ ან გადაგვაშენონ, როგორც ჩანს, ან გადაგვაცხოვრონ აქედან, ჩაგვანაცვლონ, შეიძლება, სხვა ხალხით", - ამის შესახებ პარლამენტის თავმჯდომარე შალვა პაპუაშვილმა საქართველოს პარტნიორებზე საუბრისას განაცხადა.
"პრობლემა, ამ შემთხვევაში მათში კი არ არის, ვინც კარვები ჩქარაო, გაჰყვირის, კითხვები მათთან ჩვენ აღარ გვაქვს, კითხვები გვაქვს იმათთან, ვინც ამ ხალხს მართავს ქვეყნის გარეთ. ვნახეთ, ლიეტუვის სახელისუფლებო პარტიის წარმომადგენლის, ევროპარლამენტის წევრის, რასა იუკნევიჩიანეს განცხადება, სინამდვილეში, მივედით წერტილზე, რომელიც დიდი ხანია გულში გვქონდა.
სინამდვილეში, მათი პრობლემა არის ქართველი ხალხი, რომელიც მხარს უჭერს ქართულ ოცნებას. ხალხი არ მოსწონთ. არ ვიცი, რას გვიპირებენ, გადასახლებას, გადაჯიშებას, მაგრამ თვითონ ეს დამოკიდებულება ხომ გვაფიქრებინებს, რა ღირებულებებზე დგანან სინამდვილეში ისინი, ვინც გვეუბნებიან, რომ არიან ევროპელები.
დაიწუნეს მთლიანად ხალხი, 1 120 000 მინიმუმ, ვინც მივიდა და არჩევნებში მხარი დაუჭირა „ქართულ ოცნებას“, ლიეტუვის სახელისუფლებო პარტიის წარმომადგენელმა, ფაქტობრივად, გვითხრა, რომ არ ვვარგივართ და რაღაც უნდა მოგვიხერხონ, გადაგვაჯიშონ ან გადაგვაშენონ, როგორც ჩანს, ან გადაგვაცხოვრონ აქედან, ჩაგვანაცვლონ, შეიძლება, სხვა ხალხით" - თქვა შალვა პაპუაშვილმა.
