კურსკის ოლქში ბრძოლები და უკრაინის შეიარაღებული ძალების მოქმედება სულ უფრო მეტად აიძულებს რუსეთს მონაწილეობა მიიღოს სამხედრო ტყვეების გაცვლაში. ამის შესახებ ნათქვამია ამერიკის ომის შემსწავლელი ინსტიტუტის [ISW] ანგარიში.
როგორც ანგარიშშია აღნიშნული, 18 ოქტომბერს მხარეებმა სამხედრო ტყვეები გაცვალეს.
ეს არის მეოთხე ასეთი შემთხვევა 2024 წლის აგვისტოში უკრაინის შეიარაღებული ძალების კურსკის ოლქში შესვლის შემდეგ. უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ 95 სამხედრო ტყვე დაუბრუნა.
შესაძლებელი გახდა უკრაინელი სამხედროების დაბრუნება, რომლებიც 2022 წლის დასაწყისში იცავდნენ აზოვსტალს მარიუპოლში, უკრაინელი ეროვნული გვარდიელების, მესაზღვრეების და სხვების.
ამდენივე ტყვე გადასცა უკრაინამ რუსულ მხარესაც.
რუსეთის თავდაცვის სამინისტრომ აღნიშნა, რომ არაბთა გაერთიანებული საამიროები მოქმედებდა როგორც შუამავალი ტყვეთა გაცვლის საკითხში.
უკრაინის სამხედრო ტყვეთა მკურნალობის საკოორდინაციო შტაბმა განაცხადა, რომ ბევრ დაბრუნებულ უკრაინელ სამხედრო ტყვეს აღენიშნებოდა სერიოზული დაავადებები და დაზიანებები, ასევე წონის კლება წამებისა და არასწორი კვების გამო.
ამერიკის ომის შემსწავლელი ინსტიტუტი აღნიშნავს, რომ 2024 წლის 1-ელი იანვრიდან 6 აგვისტომდე მხარეებმა მხოლოდ სამი გაცვლა განახორციელეს.
თუმცა, კურსკის ოლქში სპეცოპერაციის დაწყების შემდეგ, დღემდე, უკრაინამ და რუსეთის ფედერაციამ სამი ცალკეული გაცვლის დროს მხოლოდ 267 სამხედრო ტყვე გაცვალეს.
