მალაიზიაში დაკავებული ქართველების საქმის არსებითი დანხილვა, სავარაუდოდ, თებერვლის შუა რიცხვებამდე გადაიდება.
ამის შესახებ ჟუნალისტებს საქართველოს საგარეო საქმეთა მინისტრის მოადგილე ნინო კალანდაძემ განუცხადა და აღნიშნულის მიზეზად ის გარემოება დაასახელა, რომ ექსპერტიზის დასკვნა სწორედ ამ დროისთვის გახდება ცნობილი.
"დაკავებული ქართველებიდან ერთ-ერთის პროცესი 20 იანვარსაა დაგეგმილი, მეორის კი 16 თებერვალს. ვვარაუდობთ, რომ იანვარში დაგეგმილი პროცესი გადაიდება, რადგან ექსპერტიზის დასკვნა თებერვლამდე არ იქნება ცნობილი. აქედან გამომდინარე, სავარაუდოა, რომ საქართველოს მოქალაქეების საქმეების არსებითი განხილვა სწორედ ამ დრომდე გადაიდება", - განმარტა კალანდაძემ.
შეგახსენებთ, რომ საქართველოს ორ მოქალაქე ბაბუცა გორდაძე და დარეჯან კოხტაშვილი მალაიზიელმა სამართალდამცველებმა ოქტომბერში, ნარკოტრეფიკის ბრალდებით დააკავეს. აღნიშნული დანაშაული ადგილობრივი კანონმდებლობით სიკვდილით ისჯება. საქმეში გადამწვეტი ქიმიური ექსპერტიზის დასკვნა იქნება, რის შედეგადაც დადგინდება, იცოდნენ თუ არა საქართველოს მოქალაქეებმა, რომ მალაიზიაში სურათების ნაცვლად ნარკოტიკული საშუალება გადაჰქონდათ.
დაკავებულები ბრალს არ აღიარებენ და ამტკიცებენ, რომ ნარკოკარტერის სქემას ემსხვერპლნენ.
