უკრაინა შეერთებული შტატებისგან მიიღებს რუსეთში უფრო დიდ მანძილზე დარტყმის ნებართვას, თუ მოსკოვი შეეცდება ფრონტის გაფართოებას.
ამის შესახებ აშშ-ის სახელმწიფო მდივნის თანაშემწემ, ჯეიმს ო’ბრაიენმა განაცხადა.
რესპუბლიკელმა კონგრესმენმა თომას კინმა ჰკითხა სახელმწიფო დეპარტამენტის სპიკერს, რამდენი რუსული ავიაბაზა მდებარეობს ATACMS-ის რაკეტების მოქმედების ზონაში, რომლებზეც აშშ უკრაინას დარტყმების განხორციელების უფლებას არ აძლევს.
„თუ რუსეთი შეეცდება გააფართოვოს ამჟამინდელი ფრონტი, მაშინ უკრაინას უფრო დიდ მანძილზე დარტყმის უფლება მიეცემა, - თქვა ო’ბრაიენმა საპასუხოდ.
ამავე დროს, მან აღნიშნა, რომ მოსკოვი კარგავს შეტევის უნარს კიევის მიერ საზღვართან რუსული შესაძლებლობების განადგურების გამო.
”ჩვენ ვხედავთ დრამატულ ცვლილებებს რუსეთის ფედერაციის შესაძლებლობებში, გააგრძელოს თავისი კამპანია უკრაინის წინააღმდეგ ობიექტების დანაკარგების გამო იმ ზონაში, სადაც {უკრაინას} დარტყმების განხორციელების ნებართვა აქვს,” - თქვა სახელმწიფო მდივნის თანაშემწემ.
მისი თქმით, აშშ-ის პრიორიტეტი იყო იარაღის მიწოდება და მათი კონცენტრირება „გადაუდებელი საჭიროების ადგილებში“.
„თავიდან ეს იყო ტერიტორია, სადაც რუსეთი ახორციელებდა შეტევას ხარკოვის მახლობლად. ახლა კი, როგორც აშშ-ის ეროვნული უსაფრთხოების მრჩეველმა ჯეიკ სალივანმა გასულ კვირას განაცხადა, თუ რუსეთის ფედერაცია შეეცდება ამ ფრონტის გაფართოებას, უკრაინას მიეცემა უფლება დაარტყას სამიზნეებს უფრო დიდ მანძილზე“, - თქვა ო’ბრაიენმა.
