იმ რამდენიმე წუთისთვისაც ბედნიერი ვარ, რაც მივიღე, - ამის შესახებ საქართველოს ეროვნული ნაკრების ფეხბურთელმა ბუდუ ზივზივაძემ ჟურნალისტებს განუცხადა.
ბუდუს ჰკითხეს, იმის მიუხედავად, რომ ევროპის ჩემპიონატზე ბევრი არ უთამაშია, განწყობის შექმნას როგორ ახერხებდა.
„აქ და ამ გუნდის ნაწილი რომ ვიყავი, უკვე ძალიან ბედნიერი ვიყავი. თუნდაც სასტუმროში ბიჭებთან ერთად ყოფნა ჩემთვის უკვე დღესასწაული იყო. გადაწყვეტილებებს მწვრთნელი იღებს. რა თქმა უნდა, ყველა ფეხბურთელს სურს, რომ ბევრი ითამაშოს, მაგრამ ამ ევროპის ჩემპიონატზე მწვრთნელმა ასე გადაწყვიტა და როგორც პროფესიონალი, მის ყველა გადაწყვეტილებას პატივს ვცემ. იმ რამდენიმე წუთისთვისაც, რაც მივიღე, ძალიან ბედნიერი და მისი მადლობელი ვარ“, - თქვა ბუდუ ზივზივაძემ.
