ჯანდაცვის სამინისტროს ინფორმაციით, 1-2 მაისს პარლამენტთან გამართული აქციიდან სხვადასხვა სამედიცინო დაწესებულებაში 15 დაშავებული გადაიყვანეს.
1-2 მაისს საგანგებო სიტუაციების კოორდინაციისა და გადაუდებელი დახმარების ბრიგადებმა განახორციელეს 15 პირის ჰოსპიტალიზაცია სხვადასხვა სამედიცინო დაწესებულებაში, მათ შორის არიან სამართალდამცველები. დაშავებულთა ნაწილმა დატოვა კლინიკა და გაეწერა"- უთხრეს "პირველებს" უწყებაში.
ამასთან, „რადიო თავისუფლებამ შეაგროვა აქციაზე დაჭრილი ადამიანების ფოტომასალა და მონათხრობი. დემონსტრანტების ჭრილობები ჰგავს რეზინის ტყვიებით მიყენებულ დაზაიანებებს. დაჭრილების გარდა, რადიო თავისუფლებამ რუსთაველის გამზირზე გადაიღო რეზინის ტყვიები.
აქციის მონაწილეები ამბობენ, რომ მაღ დამიზნებით ესროდნენ რეზინის ტყვიებს. წიწაკის სპრეის ჭარრი რაოდენობით გამოყენების გამო, მოქალაქეებს სხეულზე დამწვრობები აქვთ.
აქციის დროს დაშავდნენ მედიის წარმომადგენლებიც.
„მხუთავი აირი ისროლეს, ვერ მოვასწრით გაშორება, გამოვიდა კვამლი და რამოდენიმე მოქალაქეს მოგვიწია ამის შესუნთქვა, შეგვეკრა სუნთქვა, მეკარგებოდა გონება, მოქალაქეები დამეხმარენ და ამომიყავნეს აქ", - ამბობს აქციის მონაწილე.
ამასთან, გუშინ ღამის 12 საათზე გაამრთულ ბრიფინგზე, ჟურნალისტების დამაზუსტებელ კითხვაზე, რომელიც რეზინის ტყვიების გამოყენებას ეხებოდა, შინაგან საქმეთა მინისტრის მოადგილემ განაცხადა, რომ „შინაგან საქმეთა სამინისტროს არცერთ თანამშრომელს რეზინის ტყვიები არ გამოუყენებია“.
„რა იცით, რომ შინაგან საქმეთა სამინისტროს თანამშრომლები ისროდნენ?! დაინახეთ“?! - მან კითხვა დაუბრუნა ჟურნალისტს და აღნიშნა: „პარლამენტის შესასვლელთან ჩვენ ვიყენებთ წიწაკის სპრეის და ცრემლმდენ გაზს“.
