პოლიციას როცა ძალადობით უვარდები, შეიძლება გარკვეული დაზიანებები მიიღო, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.
„ვხედავთ, რომ აქციის ზოგიერთი მონაწილის მხრიდან დიდი აგრესია მოდიოდა და საგნებს ისროდნენ. ეს უკვე აღარ არის მშვიდობიანი შეკრება და სცილდება კანონით განსაზღვრულ ფარგლებს. ყველამ კარგად ნახა, როგორ შეიჭრა ხაბეიშვილი პოლიციელებში და თან რა აგრესიით. ამ საკითხებს გამოძიება შეისწავლის და დაადგენს. პოლიცია საკუთარ მოქმედებას კანონის დაცვით ახორციელებს. აქციის მონაწილეები პოლიციელებს შეურაცხყოფას აყენებენ და ამის მიუხედავად, მოვალეობას პირნათლად ასრულებენ“, – აღნიშნა გივი მიქანაძემ.
