დღეიდან სურსათის უვნებლობის, ვეტერინარიისა და მცენარეთა დაცვის ეროვნულ სამსახურს სურსათის ეროვნული სააგენტო ეწოდება.
აღნიშნული პარლამენტის მიერ დამტკიცებული შესაბამისი საკანონმდებლო ცვლილების თანახმად გადაწყდა.
სააგენტო ახალ ფუნქციებს იძენს და რიგი სერვისებით მომსახურება ფასიანი ხდება. კერძოდ, თუკი ადრე იმპორტიორს ნებართვის მისაღებად რამდენიმე დღე სჭირდებოდა, ამიერიდან ნებართვის მიღება 1 დღეში მოხერხდება და ის ფასიანი იქნება.
თუ იმპორტიორი არ მოისურვებს თანხის გადახდას, ნებართვის მისაღებად რამდენიმე დღე დასჭირდება.
დღეიდან სურსათის ეროვნული სააგენტო საწარმოებში, სარეალიზაციო ობიექტებში პროდუქციისა და ნედლეულის ყველანაირი კონტროლის განხორციელებას შეძლებს.
