რუსული კანონის მიღებით "ქართული ოცნება" მიზანმიმართულად ხურავს კარს ქვეყნის ევროპული მომავლისკენ," - ამის შესახებ ევროპარლამენტარი ვიოლა ფონ კრამონი სოციალურ ქსელში წერს.
"ქართულმა ოცნებამ" ჩვეულებისამებრ იცრუა - დაჰპირდნენ, რომ არ შემოიღებდნენ იმ კანონს, რომლის გაუქმებაც ერთი წლის წინ მოუწიათ, მაგრამ მაინც გააკეთეს. ეს არის მმართველი პარტიის ანტიევროკავშირის და პრორუსული პოლიტიკის გაგრძელება ბოლო წლების განმავლობაში. კანონპროექტი მიზნად ისახავს საქართველოს ევროკავშირის გზაზე საბოტაჟს და მოსკოვში ოლიგარქების ხელმძღვანელებს სიამოვნებას.
კანონპროექტის მიზანია მხოლოდ დემოკრატიის მომხრე არასამთავრობო ორგანიზაციების უცხო აგენტებად შერაცხვა, შელახოს მათი სანდოობა საზოგადოების თვალში და საშუალება მისცეს "ქართულ ოცნებას," დაუსჯელად გააგრძელოს ქართული დემოკრატიისა და ევროპული მომავლის ძირის თხრა. ზედმეტია იმის თქმა, რომ რუსი აგენტები, რომლებიც საქართველოსთვის რეალურ საფრთხეს წარმოადგენენ და ქვეყანაში ფართოდ არიან წარმოდგენილნი, მიიღებენ უფლებას ყოველგვარი დაბრკოლების გარეშე გააგრძელონ ფარული ოპერაციები.
ევროკავშირმა კანდიდატის სტატუსი საქართველოს მიანიჭეს არა ხელისუფლების გამო, არამედ ქართველი ხალხის გამბედაობისთვის დემოკრატიისა და ევროპული ღირებულებების მხარდასაჭერად. ევროკავშირმა ცალსახად უნდა განუმარტოს საქართველოს მთავრობას და საქართველოს ხალხს, რომ რუსული კანონის მიღებით, "ქართული ოცნება" მიზანმიმართულად ხურავს კარს ქვეყნის ევროპული მომავლისკენ, რადგან ამის შემდეგ არ იქნება გაწევრიანების მოლაპარაკებების გახსნა ან ევროკავშირში ინტეგრაციის რაიმე სხვა ფორმა," - წერს ფონ კრამონი.
