შვეიცარიაში პოპულარული სათხილამურო კურორტის ცერმატის ტერიტორიაზე რამდენიმე მოთხილამურეს ეძებენ. მედიის ცნობით, ისინი ზვავის ქვეშ მოყვნენ. სოციალურ ქსელში გავრცელდა ვიდეო, რომელშიც ჩანს, როგორ ჩამოწვა ზვავი.
ვალეს კანტონის პოლიციის ინფორმაციით, შვეიცარიის ალპებში უკვალოდ სულ მცირე სამი ადამიანი დაიკარგა.
ჯერჯერობით უცნობია, რამდენი ადამიანი მოყვა ზვავის ქვეშ. პოლიციის განცხადებით, შესაძლოა, სამზე მეტი იყოს.
ამ დროისთვის ფართომასშტაბიანი სამაშველო ოპერაცია მიმდინარეობს.
ამ ზამთარს შვეიცარიის მთებში ზვავს 14 ადამიანი ემსხვერპლა.
