პუტინის საპრეზიდენტო არჩევნების მესამე დღეს მოსკოვსა და რუსეთის ზოგიერთ რაიონში საპროტესტო აქცია "შუადღე პუტინის წინააღმდეგ" მიმდინარეობს.
აქციის მონაწილეები ამჟამინდელი პრეზიდენტის წინააღმდეგ ხმის მისაცემად ან კენჭისყრის ჩასაშლელად იკრიბებიან, რითაც აჩვენებენ, რომ რუსეთში პუტინის პოლიტიკის მოწინააღმდეგეები არიან და მათ შეუძლიათ უსაფრთხოდ შეიკრიბონ ერთ ადგილას.
აქციის იდეა ეკუთვნის სანკტ-პეტერბურგის საკანონმდებლო ასამბლეის ყოფილ დეპუტატს „იაბლოკოდან“ მაქსიმ რეზნიკს.
გამოცემა "მედუზას" ცნობით, მოსკოვში ხალხმა საარჩევნო უბნებზე შეკრება 12:00 საათიდან დაიწყო. რიგებია მოსკოვის ცენტრალურ რაიონებში და ცენტრის გარეთაც. მოსკოვის პროკურატურა მათ სისხლის სამართლის პასუხისმგებლობით დაემუქრა.
რუსეთში საპრეზიდენტო არჩევნების კენჭისყრის ბოლო, მესამე დღეა.
