ამერიკელმა ჟურნალისტმა ტაკერ კარლსონმა კიდევ ერთი ამერიკელი ჟურნალისტის ლექს ფრიდმანის პოდკასტში ისაუბრა პუტინთან ინტერვიუზე, მიღებულ შთაბეჭდილებებზე და აღნიშნა, რომ კრემლი ცდილობს უკრაინელების დემონიზაციას, როდესაც მათ ნაცისტებს უწოდებს.
"ვფიქრობ, ეს არის ყველაზე სულელური რამ, რაც კი ოდესმე მომისმენია. ჯერ კიდევ არ მესმის, რას ნიშნავს. დენაციფიკაცია? არ არსებობს ნაცისტური მოძრაობა 2024 წელს. ეს უბრალოდ საშუალებაა ხალხს ბოროტება უწოდო. მათ {უკრაინელებს} უწოდო ნაცისტებ, ეს რაღაცნაირად ბავშვურია“, - თქვა კარლსონმა.
კრლსონის თქმით, მას არ მოეწონა საუბრის ეს ნაწილი, რადგან პუტინი უბრალოდ ცდილობდა უკრაინის დაკნინებას. ამასთან, ამერიკელმა ჟურნალისტმა აღნიშნა, რომ პუტინთან საუბრისას ისეთი შთაბეჭდილება დარჩა, თითქოს მას თავისივე განცხადებების ნამდვილად სჯეროდა.