მივესალმები უნგრეთის პარლამენტის კენჭისყრას შვედეთის ნატო-ში გაწევრიანების რატიფიცირებასთან დაკავშირებით, – ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.
მისი თქმით, შვედეთის წევრობა ალიანსის ყველა წევრს გააძლიერებს.
„მივესალმები უნგრეთის პარლამენტის კენჭისყრას შვედეთის ნატო-ში გაწევრიანების რატიფიცირებასთან დაკავშირებით. ახლა, როდესაც ყველა მოკავშირემ დაამტკიცა, შვედეთი გახდება ნატო-ს 32-ე მოკავშირე. შვედეთის წევრობა ყველას გაგვაძლიერებს და უფრო უსაფრთხოს გაგვხდის “, – წერს სტოლტენბერგი.
