რუსულ სამხედრო თვითმფრინავს თავისივე ტერიტორიაზე კიდევ ერთი ავიაბომბი “ჩამოუვარდა”. ინფორმაციას ტელეგრამარხი Astra ავრცელებს. მათივე ინფორმაციით, ჭურვი სოფელ სოლოტში 18 თებერვალს აღმოაჩინეს. ხელისუფლებამ დაახლოებით 150 ადგილობრივი მცხოვრების ევაკუაცია მოახდინა და ბომბი გაანადგურა.
ინფორმაცია ირიბად დაადასტურა ბელგოროდის ოლქის გუბერნატორმა ვიაჩესლავ გლადკოვმა. ”სოფელ სოლოტში, ვალუის საქალაქო ოლქში, რუსეთის თავდაცვის სამინისტროს საინჟინრო ჯგუფმა იპოვა და გაანადგურა ფეთქებადსაშიში ობიექტი. არავინ დაშავებულა“, - წერს ის, მაგრამ არ აკონკრეტებს, თუ როგორ მოხვდა ბომბი რეგიონში.
რუსეთის სამხედრო თვითმფრინავმა ბომბი უკრაინისკენ მიმავალ გზაზე წლის დასაწყისიდან, თავისივე ტერიტორიაზე უკვედ მერვედ ჩამოაგდო. მანამდე, 28 იანვარს ბელგოროდის რაიონში ამ ტიპის ორი ბომბი ჩავარდა. ერთი მათგანი აღმოაჩინეს კოროჩანსკის რაიონის სოფელ პოსტნიკოვში, მეორე - ბელგოროდის რაიონის სოფელ სტრელეცკოეში. არავინ დაშავებულა, მაგრამ ბოლო ინციდენტის დროს ხელისუფლებას 150-მდე ადამიანის ევაკუაცია მოუწია.
გარდა ამისა, რუსულ თვითმფრინავებს იანვრის განმავლობაში ბომბები ჩაუვარდათ ბელგოროდის ოლქის სხვა რაიონებშიც, ასევე ვორონეჟის ოლქში, სოფელი პეტროპავლოვკაში ინციდენტის შედეგად ოთხი ადამიანი დაშავდა, დაზიანდა 100-ზე მეტი სახლი,სკოლა, კულტურის სახლი და ადმინისტრაციის შენობა. რეგიონის გუბერნატორის თქმით, ცხრა სახლის თავიდან აშენდება.