სათაფლიის ნაკრძალში გასულ წლებთან შედარებით ტურისტების რიცხვის რეკორდული რაოდენობა დაფიქსირდა. სათაფლიის ნაკრძალი განახლებული ტურისტული ინფრასტრუქტურით ვიზიტორებისთვის მიმდინარე წლის 18 დეკემბერს გაიხსნა. 10 დღის განმავლობაში ნაკრძალმა 6200 ვიზიტორი მიიღო.
სათაფლიის ნაკრძალში 5 თვის განმავლობაში საერთაშორისო სტანდარტების შესაბამისი სრული ტურისტული ინფრასტრუქტურა მოეწყო. ტურისტული ცენტრის სარეაბილიტაციო სამუშაოებისათვის საერთაშორისო ნავთობკომპანია "BP"-ის და საქართველოს მთავრობის თანადაფინანსებით 6 700 000 ლარი გამოიყო.