ზემოთ აღნიშნული სადავო მუხლების არაკონსტიტუციურად ცნობის მიზნით 2009 წლის 17 სექტემბერს აღნიშნულმა მოძრაობამ შეიტანა სარჩელი საკონსტიტუციო სასამართლოში. დღეისათვის ამ საკითხზე გამოქვეყნებულია ვენეციის კომისიის დასკვნა, სადაც მე-15, 21-ე, 24-ე, 34-ე მუხლებში საუბარია 20 მეტრიან რადიუსში სამთავრობო შენობებთან მანიფესტაციის გამართვის აკრძალვის დაუშვებლობაზე, მოქმედი სისტემის განსაკუთრებულ სიმკაცრეზე - ის არ იძლევა შეკრებებისა და მანიფესტაციების განხორციელების გარანტიებს. "აღნიშნული კანონი უნდა იყოს შედარებით რბილი და გამარტივებული-ნათქვამია ვენეციის კომისიის დასკვნაში. ეს დასკვნა კიდევ ერთხელ ადასტურებს, რომ მართებულია ჩვენი კონსტიტუციური სარჩელი", - აღნიშნულია კუკავას მოძრაობის მიერ გავრცელებულ განცხადებაში.
"აქედან გამომდინარე, საქართველოს პარლამენტისაგან კატეგორიულად მოვითხოვთ, საგაზაფხულო სესიის დაწყებისთანავე ძალადაკარგულად გამოაცხადოს 2009 წლის აგვისტოში მიღებულ ცვლილებათა პაკეტი", - მოითხოვს "თავისუფალი საქართველო.