საქართველოს თავდაცვის სამინისტრო მწუხარებას გამოთქვამს სამხედრო მოსამსახურის, 1982 წელს დაბადებულ, კაპრალ ირაკლი აფრიამაშვილის ტრაგიკულად დაღუპვის გამო და უსამძიმრებს მის ოჯახს.
როგორც სამინისტროში აცხადებენ, აღნიშნული სამხედრო პირი იმყოფებოდა დათხოვნაში.
„სამხედრო მოსამსახურე გორში, თავისი ფაქტობრივი საცხოვრებლის მახლობლად, სოფელ ახალშენის განაპირას არსებულ ნაძვნარში ჩამომხრჩვალი იპოვეს. საქმეზე მიმდინარეობს გამოძიება სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს“, – ნათქვამია სამინისტროს განცხადებაში.
სამხედროს გარდაცვალების შესახებ ინფორმაცია გუშინ გავრცელდა.
