2010 წლის სახელმწიფო ბიუჯეტით ყველა სტრატეგიული და ამბიციური პროექტების განხორციელება მოხერხდა.
ამის შესახებ საქართველოს ფინანსთა მინისტრმა კახა ბაინდურაშვილმა დღეს გამართულ ბრიფინგზე 2010 წლის სამინისტროს მიერ გაწეული მუშაობის შეჯამებისას აღნიშნა.
"2010 წლის ბიუჯეტი ყველა ამოცანის და პრობლემების გადასაწყვეტად მნიშვნელოვანი დოკუმენტი იყო, რომელსაც ეკონომიკის წინსვლისთვის უნდა შეეწყო ხელი და მეორეს მხრივ ფისკალური სტაბილურობა არ უნდა დაერღვია. მიმდინარე წელს მოვახერხეთ ყველა პრიორიტეტული მიმართულების დაფინანსება, მაგალითისთვის ჯანდაცვაში საავადმყოფოების რეაბილიტაცია პირველად განხორცილდა 2010 წელს, მანამდე სახელმწიფოს მხრიდან ამ მიმართულებით ინვესტიციების ნაკლებად ხორცილდებოდა, ამავე წელს უკავშირდება განათლების სფეროში ყველაზე უფრო ამბიციური პროგრამების დაწყება და განხორციელება", - აღნიშნა ბაინდურაშვილმა.
ამასთან, მინისტრმა ყურადღება მიმდინარე წელს განხორციელებულ ინფრასტრუქტურულ პროექტებზეც გაამახვილა და დასძინა, რომ ამ კუთხით 2010 წელი ძალიან წარმატებული იყო.
"გარადა სოციალური მიმართულებისა ჩვენ დიდი აქცენტი გავკეთეთ ინფრასტრუქტურაზე. 2010 წელს დასრულდა მნიშვნელოვანი საავტომობილო გზის - გომბორისა და სამცხე-ჯავახეთის გზების მშენებლობა. ამავე წელის უკავშირდება მთელი რიგი ტურისტული ინფრასტრუქტურის მშენებლობა. ესენია - ბათუმი, ანაკლიის და მესტიის ტურისტულის ზონები", - აცხადებს ბაინდურაშვილი.
მისვე შეფასებით, ტურისტული ზონებში ინფრასტრუქტურის განვითარება გახდა ეკონომიკის სწრაფი ამუშავება ერთ-ერთი მასტიმულირებელი.
"ტურისტულ ზონების მიუძღვით იმის დამსახურება, რომ ეკონომიკა სწრაფად ამუშავდა, რადგან ზაფხულის განმავლობაში ჩვენ ჭარბი შემოდინები გვქონდა სწორედ ტურიზმის სექტორიდან. ეს ყველაფერი მოხერხდა 2010 წლის ბიუჯეტით მიუხედავად იმისა, რომ წინა წლის ბიუჯეტთან შედარებით განსაკუთრებით არ იყო გაზრდილი", - აღნიშნა მან.
