სვანეთი თავისუფალ ტურისტული ზონად არ გამოცხადდება, მაგრამ კერძო სექტორს მიწები სიმბოლურ ფასად - 1 ლარად გადაეცემა. ამის შესახებ საქართველოს პრეზიდენტმა მიხეილ სააკაშვილმა მთავრობის დღევანდელ გასვლით სხდომაზე განაცხადა, რომელიც მესტიაში გაიმართა.
ქვეყნის პირველი პირის განმარტებით, ბიზნესმენები, რომლებიც სვანეთში სასტუმროების აშენებას გადაწყვეტენ, "გადასახადებისგან გათავისუფლებას არ უნდა ელოდონ, რადგან სვანეთი ოქროს ფონდია".
"გამკვირვებია და ხშირად ვსაყვედურობ კერძო სექტორს, რატომ სძინავს? სასტუმროები შენდება ბათუმში, გუდაურში, მაგრამ იქ სეზონი მხოლოდ ზაფხულში და ზამთარშია. სვანეთში კი სეზონი არის სულ. მინდა ვთქვა, რომ აქ არ ვაცხადებთ თავისუფალ ტურისტულ ზონას და ეს არ სწორი. სამაგიეროდ, უფასოდ, ერთ ლარად, მივცემთ ბიზნესმენებს მიწებს და ეს საკმარისზე მეტია. რა გადასახებისგან გათავისუფლებაზე ვლაპარაკობთ, აქ მათ ექნებათ ოქროს ზოდები", - განმარტა ქვეყნის პირველმა პირმა.
"გადასახადისგან გათავისუფლება ყველამ დაივიწყოს. პირიქით, ეს იქნება გადასახადების ერთ-ერთი ყველაზე კარგი შემომტანი შემდეგ წლებში. სვანეთი არის ოქროს ფონდი.
ამიტომაც ყველას მოვუწოდებ, სანამ მიწა არის და ეს მიწა არის ცოტა, თვალები გაახილონ ააშენონ და გამდიდრდნენ", - დასძინა სააკაშვილმა.
მისი განმარტებით, მესტიაში გზებისა მშენებლობა და შენობების მოდიფიკაცია მალე უნდა დასრულდეს, რისთვისაც შესაბამისი ტენდერები მალე გამოცხადდება.