2010 წლის III კვარტალში მთლიანი შიდა პროდუქტის მაჩვენებელმა მიმდინარე ფასებში 5 394.8 მლნ. ლარი შეადგინა, რაც 17.5 პროცენტით მეტია წინა წლის ანალოგიურ მაჩვენებელზე. "საქსტატის" ინფორმაციით, ამავე პერიოდში მთლიანი შიდა პროდუქტის რეალური ზრდა წინა წლის
შესაბამისი კვარტალის მიმართ 6.7 პროცენტი დაფიქსირდა, ხოლო დეფლატორის _ 10.2 პროცენტი.
2010 წლის სამი კვარტალის მონაცემებით, მთლიანი შიდა პროდუქტის რეალური ზრდა წინა წლის შესაბამისი პერიოდის მიმართ 6.5 პროცენტი დაფიქსირდა, ხოლო დეფლატორის _ 7.8 პროცენტი.
სტატისტიკის ეროვნული სამსახურის ინფორმაციით, მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა მრეწველობისა (18 პროცენტი) და ვაჭრობის (16 პროცენტი) დარგები, შემდგომ პოზიციებს იკავებს სახელმწიფო მმართველობა და ტრანსპორტი და კავშირგაბმულობა (12-12 პროცენტი), სოფლის მეურნეობა, მეთევზეობა (8 პროცენტი) და მშენებლობა (7 პროცენტი ორნიშნა ზრდა აღინიშნა შემდეგ დარგებში: დამამუშავებელი მრეწველობა (18.3 პროცენტი), სასტუმროები და რესტორნები (15.7 პროცენტი), სატრანსპორტო მომსახურება (13.9 პროცენტი), საფინანსო შუამავლობა (12.2 პროცენტი) და ვაჭრობა (11.7 პროცენტი). ზრდა დაფიქსირდა შემდეგ დარგებში: სხვა კომუნალური, სოციალური და პერსონალური მომსახურების გაწევა (9.7 პროცენტი), ოპერაციები უძრავი ქონებით, იჯარა და მომხმარებლისათვის მომსახურების გაწევა (7.6 პროცენტი), მშენებლობა (6.5 პროცენტი), სამთომოპოვებითი მრეწველობა (3.6 პროცენტი), განათლება (3.5 პროცენტი), კავშირგაბმულობა, ჯანმრთელობის დაცვა და სოციალური დახმარება, ელექტროენერგიის, ბუნებრივი აირისა და წყლის წარმოება და განაწილება (2.9 პროცენტი თითოეულ დარგში) მცირე კლება დაფიქსირდა შემდეგ დარგებში: შინამეურნეობების მიერ პროდუქციის გადამუშავება (3.5 პროცენტი), სოფლის მეურნეობა, მეტყევეობა, თევზჭერა (1.8 პროცენტი).