უკრაინის პრემიერ-მინისტრის, დენის შმიჰალმა განცხადებით, ეკონომიკის მხრდასაჭერის ფარგლებში უკრაინა გერმანიისგან დამატებით 50 მილიონ ევროს მიიღებს.
როგორც შმიჰალმა განაცხადა, აღნიშნულ თანხას სოციალური დახმარებისთვის, პენსიებისთვის, ექიმებისა და მასწავლებლების ხელფასებისთვის და სხვა კრიტიკული საჭიროებისთვის გამოიყენებენ.
"ეს თანხები მთავრობას დაეხმარება, რომ ბიზნესის მხარდაჭერა და შეღავათიანი კრედიტების პროგრამის "5-7-9"-ის დაფინანსება გააგრძელოს," - თქვა შმიჰალმა.
ამასთან, უკრაინის პრემიერმა აღნიშნა, რომ ამ კვირაში ევროკავშირმა უკრაინას მაკროფინანსური დახმარების მორიგი ტრანში გამოუყო 1,5 მილიარდი ევროს ოდენობით და კიდევ 400 მილიონი დოლარი მიიღო დიდი ბრიტანეთიდან მსოფლიო ბანკის სატრასტო ფონდის მეშვეობით.
დენის შმიჰალმა საერთაშორისო პარტნიორებს უკრაინის ეკონომიკის აღდგენაში შეტანილი წვლილისთვის მადლობა გადაუხადა.
