კატარმა განაცხადა, რომ შეთანხმება დროებითი ზავისა და მძევლების გათავისუფლების შესახებ ძალაში პარასკევს ადგილობრივი დროით დილის 7 საათზე შევა.
როგორც კატარის ხელისუფლების განცხადებაშია აღნიშნული, მძევლების პირველი ჯგუფი ასევე პარასკევს, შუადღისით გათავისუფლდება.
როგორც Wall Street Journal-ი იწუყება, კაირომ მიიღო 10 მძევლის სია, რომლებიც პირველები გაათავისუფლებენ.
პირველ ეტაპზე გათავისუფლდებიან მხოლოდ ბავშვები და ქალები.
მანამდე, BBC ისრაელის მთავრობის წყაროზე დაყრდნობით იუწყებოდა, რომ ბოლო მომენტში ჰამასმა წამოაყენა დამატებითი პირობები.
WSJ-ის ცნობით, სირთულე იმით იყო განპირობებული, რომ ისრაელს სურდა მძევლები ჯერ წითელი ჯვრისთვის გადაეცათ, შემდეგ კი ისრაელში გადასულიყვნენ, ხოლო „ჰამასს“ სურდა მათი გადაცემა ეგვიპტისთვის.
