ტერმინალი აღჭურვილია მთელი რიგი ტექნოლოგიური კონსტრუქციებითა და მექანიზმებით, რომელიც განკუთვნილია ნავთობის მისაღებად, ჩასატვირთად და შესანახად. მას აქვს ასევე დამხმარე და სამრეწველო, საყოფაცხოვრებო და ადმინისტრაციული შენობები. ტერმინალს გააჩნია მაღალი დონის ავტომატიზაციისა და მექანიზაციის საწარმო. ავტომატური მართვის სისტემის ტექნოლოგიური პროცესების საფუძველზე ასევე შესაძლებელია ელექტრონული კონტროლი.

შავი ზღვის ტერმინალი მუდმივად აუმჯობესებს მართვის სისტემებს, რათა მიაღწიოს მთავარ მიზანს _ უბედური შემთხვევებისა და ავადმყოფობის პრევენცია, უზრუნველყოს უსაფრთხო სამუშაო გარემო, გაატაროს გარემოსდაცვითი ღონისძიებები. კომპანია განსაკუთრებულ ყურადღებას უთმობს გარემოსდაცვითი ღონისძიებების გატარებას. შექმნილია ფონდი გარემოს დაცვის სამინისტროსთან ერთად, რომელიც აფინანსებს ამ ფონდს, რათა დაცული იქნას ,,კოლხეთის ნაციონალური პარკის" ფლორა და ფაუნა.
ტერმინალში დანერგილია ეკოლოგიური მენეჯმენტის სისტემა, რომელიც სერტიფიცირებულია საერთაშორისო სტანდარტებით თანახმად ISO 14001 საზოგადოებრივი კომპანია ,,Moody international"-ის მიერ. ეს სისტემა უზრუნველყოფს, რათა განხორციელდეს დაგეგმილი კონტროლი გარემოს დაცვის ყველა ასპექტზე, რაც დაკავშირებულია ტერმინალის საქმიანობასთან. აქედან გამომდინარე, ყველა შესაძლო ზემოქმედება, რამაც შეიძლება ავნოს ეკოლოგიას, იზომება და კონტროლირდება, რათა დაცული იქნეს ყველა მოთხოვნა.

,,შავი ზღვის ტერმინალმა" წარმატებით გაიარა შიდა კონტროლის აუდიტი, რომელიც ჩაატარა ,,Moody international"-მა 2010 წლის 22-26 ნოემბერს. შიდა აუდიტის წევრებს ISO და OHSAS-ის მიერ მიღებულ სტანდარტებთან შეუსაბამობა არ დაუფიქსირებიათ.
რაც შეეხება ნავთობის დაღვრას როგორც ზღვაში, ისე ხმელეთზე, ამისთვის შექმნილია ოპერატიული რეაგირების ჯგუფი, რომელიც აღჭურვილია ყველა უახლესი ტექნიკით და მეთვალყურეობას უწევს ნავთობის გადატვირთვა-ჩატვირთვის მთელ პროცესს ვაგონ-ცისტერნებიდან ტერმინალში და ტერმინალიდან გემში .

ნავთობპროდუქტების კავშირმა 2009-2010 წლებში შავი ზღვის ნავთობტერმინალი საუკეთესო ინფრასტრუქტურის მქონე ტერმინალად დაასახელა.

კომპანიაში მუშაობს 11 დეპარტამენტი, მათ შორისაა ნავსადგური და რკინიგზის სადგური. ტერმინალში 93%-ზე მეტი საქართველოს მოქალაქეა დასაქმებული, ძირითადად ადგილობრივები. მთლიანობაში ტერმინალს 600 ადამიანზე მეტი ემსახურება. კომპანიაში მუდმივად ტარდება ტრეინინგები თანამშრომლების კვალიფიკაციის ასამაღლებლად.

ტერმინალის მმართველის კარიმ გულიევის განცხადებით, კომპანიის მიზანია ინფრასტრუქტურის განვითარება, რის საფუძველზეც გაიზრდება ტვირთბრუნვა. ,,ვცდილობთ მაქსიმალურად გამოვიყენოთ შესაძლებლობები, რათა ტერმინალმა სრული დატვირთვით იმუშაოს და დავდგეთ იმ კომპანიების გვერდით, რომლებიც მსოფლიო ბაზარზე მნიშვნელოვან სიტყვას ამბობენ. გვაქვს ძალიან ბევრი პერსპექტიული გეგმა, რომლის განსახორციელებლად საჭიროა დამატებითი ინვესტიციების დაბანდება. შეიძლება ითქვას, რომ მომავალს იმედიანად ვუყურებთ", - ამბობს კარიმ გულიევი.
მისი ინფორმაციით, ,,საქართველოს რკინიგზასა" და კომპანიას შორის დადებული ხელშეკრულების შესაბამისად, საქართველოს სარკინიგზო მაგისტრალის სხვადასხვა მონაკვეთზე ჩატარდა აღდგენითი და სამშენებლო სამუშაოები. სამტრედიის სადგურზე აღდგა 8-ლიანდაგიანი პარკი. თითო ლიანდაგი დაემატა სადგურებს - ,,აგურის ქარხანას" და ,,ქვალონს", ხოლო ჭალადიდის სადგურს ორი ლიანდაგი.

რაც შეეხება ჭალადიდი-კოლხეთის გადასარბენს, აქ დამატებით შენდება მთავარი ლიანდაგი, რომელიც მთლიანად ელექტროფიცირებული იქნება. ასევე შენდება ხუთლიანდაგიანი რკინიგზის სადგური ,,ფართოწყალი". ამ სამუშაოების შედეგად, ტერმინალი წელიწადში 10 მილიონი ტონა ნავთობის მიღებას უზრუნველყოფს. 2010 წლის 19 დეკემბერის მდგომარეობით ტერმინალის ტვირთბრუნვამ მიმდინარე წელს მიაღწია 7 მილიონ ტონას შეადგენს. აღსანიშნავია, რომ მ/წლის 22 ნოემბერს შავი ზღვის ტერმინალმა მიიღო მესამასე ტანკერი.

შავი ზღვის ტერმინალი, როგორც ერთ-ერთი საუკეთესო შავი ზღვის აუზში, უამრავ დაინტერესებულ სტუმარს იღებს, რომლებიც ეცნობიან ტერმინალში დანერგილს თანამედროვე ტექნოლოგიებს.

შეიძლება ითქვას, რომ შავი ზღვის ტერმინალი არის შავი ზღვის აუზში ერთ-ერთი საუკეთესო ინფრასტრუქტურის მქონე ტერმინალი, რომელიც ყველა თანამედროვე მოთხოვნებს აკმაყოფილებს.