თბილისში, თაბუკაშვილის ქუჩაზე ხანძარი ლოკალიზებულია.
თბილისის სახანძრო-სამაშველო სამსახურის მთავარი სამმართველოს უფროსმა, ლევან მუსელიანმა მედიას განუცხადა,რომ მიმდინარეობს სალიკვიდაციო სამუშაოები.
„მეხანძრე-მაშველების დროული რეაგირების შედეგად, მოხდა ხანძრის ლოკალიზება. არსებობდა ხანძრის უფრო დიდ მასშტაბზე გავრცელების საშიშროება. შესაბამისად, ხანძარიც დროულად იქნა ლოკალიზებული და ამ ეტაპზე მიმდინარეობს სალიკვიდაციო სამუშაოები. დაშავებულებზე ინფორმაცია ამ ეტაპზე არ გვაქვს. ფართობსა და ხანძრის გავრცელების ალბათობას დაადგენს შესაბამისი სამსახური“, – განაცხადა ლევან მუსელიანმა.