უკრაინის საგარეო საქმეთა მინისტრი დმიტრო კულება აცხადებს, რომ უკრაინის კონტრშეტევა არ უნდა ჩაითვალოს გადამწყვეტ ბრძოლად. ამის შესახებ მან ჩრდილოეთ ევროპის ქვეყნების საგარეო საქმეთა მინისტრებთან ერთობლივ ბრიფინგზე განაცხადა.
„კონტრშეტევა არ უნდა ჩაითვალოს გადამწყვეტ ბრძოლად. გადამწვეტი ბრძოლა ის არის, რომელიც მიგვიყვანს უკრაინის ტერიტორიების სრულ გათავისუფლებამდე. ასეთი დასკვნა უნდა გაკეთდეს ბოლოს და არა ბრძოლის დასაწყისში. თუ საჭირო იქნება ერთი კონტრშეტევა - იქნება ერთი, თუ ორი ან მეტი - იქნება ამდენი. ეს ის კონფლიქტი არ არის, რომელიც უნდა გაიყინოს“, - განაცხადა კულებამ.
მან აღნიშნა, რომ ადამიანები, რომლებიც განიხილავენ კონტრშეტევას, როგორც გადამწყვეტ ბრძოლას, „ამახინჯებენ უკრაინის ძალისხმევის სურათს“. ამასთან, კულებამ აღნიშნა, რომ უკრაინა იბრძოლებს გამარჯვებამდე.
