უკრაინის პრეზიდენტის ვოლოდიმირ ზელენსკის განცხადებით, 37 წლის წინ ჩერნობილის ატომურ ელექტროსადგურზე მომხდარი კატასტოფა შეახსენებს მსოფლიოს თუ რამდენად მყიფეა უსაფრთხოება რუსეთის ქმედებების გამო. ამის შესახებ მან ვიდეომიმართვისას ისაუბრა.
„ჩერნობილის კატასტროფის წლისთავი სწორედ ის დღეა , როდესაც მსოფლიოს უნდა შევახსენოთ, რამდენად მყიფეა ჩვენი უსაფრთხოება, მით უფრო მაშინ, როდესაც უკვე ერთ წელზე მეტია ყოველდღიურად და ყოველწამიერად შენარჩუნებულია რუსეთის მიერ ხელოვნურად შექმნილი რადიაციული კატასტროფის საფრთხე ზაპოროჟიეს ატომურ ელექტროსადგურზე. მხოლოდ უკრაინის სრულ კონტროლს ზაპოროჟიეს ატომურ ელექტროსადგურზე შეუძლია სრული უსაფრთხოების დაბრუნება, არამხოლოდ ჩვენს ქვეყანაში, არამედ მთელს ევროპასა და მსოფლიოში“, - განაცხადა უკრაინის პრეზიდენტმა.
ზელენსკიმ აღნიშნა, რომ რადიაცია არ აღიარებს სახელმწიფო საზღვრებს, ისევე, როგორც რუსეთის ფედერაცია. მისივე თქმით, მხოლოდ წესების სრული დაცვა უზრუნველყოფს უსაფრთხოებას.
მან ასევე აღნიშნა, რომ 26 აპრილს ესაუბრა ატომური ენერგიის საერთაშორისო სააგენტოს ხელმძღვანელს რაფაელ გროსს.
მან მადლობა გადაუხადა გროსს ინიციატივისთვის, რომელიც მოიცავს სპეციალურ სამედიცინო დახმარებას უკრაინის ატომური სადგურების პერსონალისთვის.
შეგახსენებთ, 26 აპრილს ჩერნობილის ატომურ ელქტროსაგურის კატასტროფიდან 37 წელი გავიდა.
