უკრაინის არმია მიიღებს ყველა საჭირო იარაღს რუსეთის ჯარების წინააღმდეგ კონტრშეტევისთვის. ამის შესახებ ევროპაში ნატო-ს მოკავშირეთა შეიარაღებული ძალების უმაღლესმა სარდალმა და აშშ-ის არმიის გენერალმა, კრისტოფერ კავოლიმ განაცხადა.
გენერალმა კავოლიმ კონგრესში სიტყვით გამოსვლისას კონგრესმენებს აცნობა, რომ კიევმა უკვე მიიღო დაპირებული საბრძოლო ტექნიკის 98 პროცენტი.
„ჩვენ უკვე მივაწოდეთ მათ შეიარაღება და კვლავ გავაგრძელებთ მიწოდებას, რათა მხარი დავუჭიროთ წარმოებულ ოპერაციას“, - განაცხადა გენერალმა.
მან ასევე განაცხადა, რომ დღეს ოდესაში ამერიკელი სამხედროების წარმომადგენლები ატარებენ შემოწმებას უკრაინაში გაგზავნილი შეიარაღების შემოწმებას, ასევე მისივე თქმით, კიდევ ერთი შემოწმება დანიშნულია მომდევნო კვირაში.
ამ განცხადებით, გენერალმა კავოლიმ უპასუხა ამერიკელი პოლიტიკოსების კრიტიკას, რომლებიც ამბობენ, რომ ამერიკული სამხედრო დახმარება, შესაძლოა, დანიშნულების ადგილამდე არ მიდიოდეს.
