რუსეთის თავდაცვის სამინისტროს სპიკერი გენერალ-ლეიტენანტი იგორ კონაშენკოვი აცახდებს, რომ რუსეთის სარაკეტო დარტყმას უკრაინაში მებრძოლი ქართული ლეგიონის 60-მდე წევრი ემსხვერპლა.
მისი მტკიცებით, რუსეთის ძალებმა „ისკანდერის“ ტიპის სარაკეტო კომპლექსებით დარტყმა მიაყენეს დონეცკის ოლქის ქალაქ კონსტანტინოვკაში, ბიბლიოთეკის შენობაში მდებარე „უცხოელი დაქირავებული მებრძოლების“ დისლოკაციის პუნქტს. მისივე მტკიცებით, დაიღუპა ქართული ლეგიონის 60-მდე წევრი, 20-მდე კი დაიჭრა, ასევე მისივე თქმით, განადგურდა 15 ერთეული სამხედრო ტექნიკა.
კონაშენკოვის თქმითვე, ქართული ლეგიონის წევრები მონაწილოებდნენ გასულ წელს, მარტში კიევთან რუსი სახედროების „მხეცურ მკვლელობებში“. „რუსეთის თავდაცვის სამინისტროს აქვს ინფორმაცია თითოეული უცხოელი მებრძოლის შესახებ, რომლებიც მონაწილეობდნენ რუსი სამხედრო მოსამსახურეების მკვლელობებში. ყველა მათგანს დამსახურებულად გავუსწორდებით“, - განაცხადა კონაშენკოვმა.
