სუდანში არსებულმა კონფლიქტმა, შესაძლოა, საფრთხე შეუქმნას, არა მხოლოდ ქვეყნის მშვიდობიან მოსახლეობას, არამედ პოტენციურად მთელ რეგიონს. ამის შესახებ აშშ-ის სახელმწიფო მდივანმა ენტონი ბლინკენმ იაპონიაში G7-ის ქვეყნების საგარეო უწყებების ხელმძღვანელებთან შეხვედრაზე განაცხადა. იუწყება Reuters
„არსებობს საერთო ღრმა შეშფოთება შეტაკებებისა და ძალადობის გამო, რომელიც სუდანში ხდება“, - განცხდა ბლინკენმა. მან ასევე აღნიშნა, რომ კონფლიქტი შეიცავს სამოქალაქო პირებისთვის დიდ საფრთხეს. „ჩვენ და ჩვენი პარტნიორები მტკიცედ ვიზიარებთ მოსაზრებას, რომ აუცილებელია დაუყოვნებელივ შეწყდეს ცეცხლი და მხარეები დაუბრუნდნენ მოლაპარკებებს“, - განაცხდა ბლინკენმა.
ბლინკენის მოსაზრება გაიზიარა დიდი ბრიტანეთის საგარეო საქმეთა მინისტრმა ჯეიმს კლევერლიმ და აღნიშნა, რომ „უახლოესი მომავლი გენერლების ხელშია“.
15 აპრილს, სუდანის გასამხედროებული დაჯგუფება, „სწრაფი მხარდჭერის ძალებმა“ განაცხადა, რომ კონტროლი დაამყარეს პრეზიდენტის სასახლეზე, არმიის მეთაურის რეზიდენციაზე და ხართუმის საერთაშორისო აეროპორტზე.
კონფლიქტი გასამხედროებულ ძალებსა და არმიას შორის მას შემდეგ გამწვავდა, რაც ორმა მხარემ ქვეყნის სამოქალაქო მმართველობაზე გადასვლასთან დაკავშირებით შეთანხმებას ვერ მიაღწია.
სუდანს, სადაც 1956 წელს დამოუკიდებლობის მოპოვების შემდეგ გამართული პოლიტიკური სისტემის ჩამოყალიბება ვერ მოხერხდა, 2021 წლის ოქტომბრის გადატრიალების შემდეგ სამხედრო გენერლები სუვერენული საბჭოს მეშვეობით მართავენ. აბდელ ფატა ალ-ბურჰანის ბრძანებით, ქვეყნის პოლიტიკური ლიდერები, მათ შორის პრემიერ-მინისტრი, აბდალა ჰამდოკი, დააკავეს და ქვეყანაში საგანგებო მდგომარეობა გამოცხადდა.
ამჟამად „სწრაფი მხარდაჭერის ძალებს“ (RSF) საბჭოს ვიცეპრეზიდენტი, გენერლის მოჰამედ ჰამდან დაგალოსი მეთაურობს. ამავდროულად, არმიას გენერალი აბდელ ფათაჰ ალ-ბურჰანი მართავს, რომელიც სუვერენული საბჭოს ხელმძღვანელია.
ბოლო მონაცემებით, დაპირისპირების შედეგად დაიღუპა 59 და დაშავდა 600-მდე ადამიანი.
