BBC -ის ინფორმაციით, სუდანის არმიასა და გასამხედროებული დაჯგუფება 'სწრაფი რეაგირების ძალებს' (RSF) შორის 15 აპრილს მომხდარი შეტაკების შემდეგ დროებით ცეცხლის შეწყვეტასთან დაკავშირებით შეთანხმება შედგა.
დროებით ცეცხლის შეწყვეტის მიზანია, ათიათასობით მშვიდობიანმა მოქალაქემ, რომლებიც დაპირისპირებულ მხარეებს შორის შეტაკების ეპიცენტრში მოყვნენ, ტერიტორიის დატოვება შეძლონ, დაშავებულები კი დაუყოვნებლივ საავადმყოფოებში გადაიყვანონ.
BBC წერს, რომ ნაკლებად სავარაუდოა, დაპირისპირებულმა მხარეებმა გაითვალისწინონ საერთაშორისო საზოგადოების მოწოდებები ძალადობის დასრულებისა და შეიარაღებული დაპირისპირების შეწყვეტის შესახებ, რადგანაც RSF-ის ხელმძღვანელი ამბობს, რომ სუდანის ლიდერი გენ აბდელ ფათაჰ ალ-ბურჰანი კრიმინალია, არმია კი აცხადებს, რომ მოლაპარაკების მაგიდასთან არ დასხდებიან, ვიდრე გასამხედროებული დაჯგუფება სწრაფი რეაგირების ძალები არ დაიშლება.
15 აპრილს, სუდანის გასამხედროებული დაჯგუფება, „სწრაფი რეაგირების ძალებმა“ განაცხადა, რომ კონტროლი დაამყარეს პრეზიდენტის სასახლეზე, არმიის მეთაურის რეზიდენციაზე და ხართუმის საერთაშორისო აეროპორტზე. აღნიშნულს სუდანიას არმია უარყოფს.
შეტაკებები დაიწყო სამთავრობო არმიასა და გასამხედროებულ დაჯგუფება „სწრაფი რეაგირების ძალებს“ შორის. შეიარაღებული დაპირპსირება მიმდინარეობდა სამხრეთ დარფურის შტატის ქალაქ ნიალის საერთაშორისს აეროპორტის რაიონში. ასევე ბრძოლები იყო სუდანის დედაქალაქ ხართუმში სტრატეგიული დანიშნულების ობიექტებთან. გავრცელდა ინფორმაცია, რომ შეტაკებები სახელმწიფო ტელევიზიის შენობაშიც მიმდინარეობდა.
თვითმხილველების ინფორმაციით, ხართუმში და მის მიდებარე დასახლებებში სროლის ხმა ისმის. სუდანის დედაქალაქის ქუჩებში ჯავშანმანქანები გადაადგილდებოდა. საჯერო სიბრცეში კი სამხედრო ტვითმფრინავები გამოჩნდნენ. შეტაკებები იყო ქალაქ მეროვეშიც.
კონფლიქტი გასამხედროებულ ძალებსა და არმიას შორის მას შემდეგ გამწვავდა, რაც ორმა მხარემ ქვეყნის სამოქალაქო მმართველობაზე გადასვლასთან დაკავშირებით შეთანხმებას ვერ მიაღწია.
სუდანს, სადაც 1956 წელს დამოუკიდებლობის მოპოვების შემდეგ გამართული პოლიტიკური სისტემის ჩამოყალიბება ვერ მოხერხდა, 2021 წლის ოქტომბრის გადატრიალების შემდეგ სამხედრო გენერლები სუვერენული საბჭოს მეშვეობით მართავენ. აბდელ ფატა ალ-ბურჰანის ბრძანებით, ქვეყნის პოლიტიკური ლიდერები, მათ შორის პრემიერ-მინისტრი, აბდალა ჰამდოკი, დააკავეს და ქვეყანაში საგანგებო მდგომარეობა გამოცხადდა.
ამჟამად სწრაფი მხარდაჭერის გასამხედროებულ ძალებს (RSF) საბჭოს ვიცეპრეზიდენტი, გენერლის მოჰამედ ჰამდან დაგალოსი მეთაურობს. ამავდროულად, არმიას გენერალი აბდელ ფათაჰ ალ-ბურჰანი მართავს, რომელიც სუვერენული საბჭოს ხელმძღვანელია.
