ევროკომისიაში აცხადებენ, რომ უკრაინული მარცვლეულისა და სოფლის მეურნეობის სხვა პროდუქტების იმპორტზე პოლონეთისა და უნგრეთის მიერ დროებითი აკრძალვის დაწესების გამო, ევროკავშირის წევრი ქვეყნების მიერ ცალმხრივი სავაჭრო მოქმედებები მიუღებელია. იუწყება Reuters.
„ჩვენ ინფორმირებული ვართ უკრაინიდან მარცვლეულისა და სხვა სასოფლო-სამეურნეო პროდუქტების იმპორტის აკრძალვასთან დაკავშირებით პოლონეთისა და უნგრეთის გადაწყვეტილებების შესახებ. სავაჭრო პოლიტიკა არის ევროკავშირის ექსკლუზიური კომპეტენცია და შესაბამისად, ცალმხრივი მოქმედებები მიუღებელია. გამოწვევებით სავსე დროს, სასიცოცხლოდ მნიშვნელოვანია ევროკავშირთან ყველა გადაწყვეტილების კოორდინირება და შეთანხმება“, – განაცხადა ევროკომისიის წარმომადგენელმა.
პოლონეთმა და უნგრეთმა უკრაინიდან მარცვლეულისა და სხვა საკვები პროდუქტების იმპორტის აკრძალვის გადაწყვეტილება მიიღეს.
ხსენებული გადაწყვეტილება პოლონეთისა და უნგრეთის მთავრობებმა ადგილობრივი აგრარული სექტორის დასაცავად მიიღეს, მას შემდეგ, რაც უკრაინიდან მიწოდების ინტენსივობამ შეამცირა ფასები მთელ რეგიონში.
