პირველად, 300 წლის განმავლობაში, კიევ-პეჩერის ლავრის ღვთისმშობლის მიძინების ტაძარში სააღდგომო ღვთისმსახურება უკრაინულ ენაზე ჩატარდა. ის ლავრის წინამძღვრის მოვალეობის შემსრულებელმა არქიმანდრიტმა აბრაამმა აღავლინა.
ლავრის ტერიტორიაზე ზომები გამკაცრებული იყო, პოლიცია მოქალაქეების საბუთებს და სააღდგომო კალათებს ამოწმებდა.
კიევ-პეჩერის ლავრაში სააღდგომო ღვთისმსახურება მოსკოვის საპატრიარქოს უკრაინის მართლმადიდებელი ეკლესიის წარმომადგენლებმაც აღავლინეს. მათ აღაპიტ პეჩერელის სახელობის ეკლესიაში ჩაატარეს წირვა.
უკრაინის კულტურის სამინისტრომ მოსკოვის საპატრიარქოს დაქვემებევარებაში მყოფი უკრაინის მართლმადიდებელი ეკლესიის წარმომადგენლებს ლავრის კომპლექსის დაცლა მარტის ბოლოსთვის მოსთხოვა.
აღდგომის დღესასწაული უკრაინის მოსახლეობას უკრაინის პრეზიდენტმა კიევ-პეჩერის ლავრის ტერიტორიიდან მიულოცა.
