უკრაინამ რუსული ტყვეობიდან 108 ქალი გაათავისუფლა - ინფორმაციას უკრაინის პრეზიდენტის ადმინისტრაციის ხელმძღვანელი ანდრეი ერმაკი ავრცელებს:
„დღეს მოხდა ტყვეების მორიგი მასშტაბური გაცვლა. ეს იყო განსაკუთრებით ემოციური - ტყვეობიდან გავათავისუფლეთ 108 ქალი. ეს იყო ქალების პირველი გაცვლა. ტყვეობაში იყვნენ დედები, რომლებსაც შვილები ძალიან ელოდნენ", - ამბობს ერმაკი.
მისი ინფორმაციით, გათავისუფლებულებს შორის არიან აზოვსტალიდან ევაკუირებული ქალები, ასევე უკრაინის შეიარაღებული ძალებისა და საზღვაო ძალების, ეროვნული გვარდიისა და სხვადასხვა სახელმწიფო სამსახურის წარმომადგენლები და 12 მშვიდობიანი მოქალაქე.
გათავისუფლებულთა შორის არიან უკრაინის დროებით ოკუპირებულ ტერიტორიებზე დატყვევებული ქალებიც, რომლებიც რუსებმა უკრაინაში ჯერ კიდევ ფართომასშტაბიან შეჭრამდე, 2019 წელს დაიჭირეს. მათ ოკუპანტები ბრალად სდებდნენ „შპიონაჟსა“ და „ტერორიზმში.
იერმაკის თქმით, ყველა გათავისუფლებული ტყვე სამედიცინო შემოწმებასა და რეაბილიტაციას გაივლის.
"ჩაეხუტებიან ნათესავებს, შვილებს, გამოჯანმრთელდებიან... უკრაინა არავის დატოვებს. იმიტომ, რომ უკრაინელები სახელმწიფოს უმაღლესი ღირებულებაა. მოდით, ყველა გავათავისუფლოთ", - აღნიშნა ერმაკმა.
