საფრანგეთის პარლამენტის ქვედა პალატამ, ეროვნულმა ასამბლეამ, სამშაბათს 51 წლის იაელ ბრაუნ-პივე აირჩია სპიკერად.
ის პირველი ქალი, ვინც ამ თანამდებობას დაიკავებს.
იაელ ბრაუნ-პივე პრეზიდენტ ემანუელ მაკრონის პარტიის წარმომადგენელია. ამ პარტიამ ბოლო საპარლამენტში არჩევნებში უმრავლესობა მოიპოვა, თუმცა მიღებული მანდატები მთავრობის დამოუკიდებლად ფორმირებისთვის საკმარისი არ არის.
საფრანგეთის ეროვნული ასამბლეის ახლად არჩეული სპიკერი პროფესიით იურისტია. წარსულში ის პარიზში, შემდეგ ტაივანსა და იაპონიაში მუშაობდა.
2012 წლიდან ბრაუნ-პივე დაბრუნდა საფრანგეთში, სადაც გახსნა რესტორანი და დააარსა უფასო იურიდიული დახმარების ცენტრი. 2016 წლამდე ის სოციალისტებს უჭერდა მხარს, შემდეგ ემანუელ მაკრონის პარტიას შეუერთდა.
შეგახსენებთ, საპარლამენტო არჩევნების შედეგების თანახმად, მაკრონის ალიანსს აბსოლუტური უმრავლესობისთვის 44 მანდატი აკლია. მაკრონი და მისი პარტია დილემის წინაშე დგანან: ან ნებისმიერ ფასად ეძიონ კოალიცია მემარჯვენე-ცენტრისტ რესპუბლიკელებთან, ან მოემზადონ პარლამენტის დაშლისა და ვადამდელი არჩევნებისთვის.
შეგახსენებთ, ცოტა ხნის წინ, საფრანგეთის პრემიერ-მინისტრისა და საგარეო საქმეთა მინისტრის პოსტები ქალებმა დაიკავეს. ელისაბედ ბორნი და კატრინ კოლონა ისტორიაში მეორე ქალები გახდნენ, რომლებიც ამ თანამდებობებზე დაინიშნნენ.