რუსეთმა უკრაინის დროებით ოკუპირებული ტერიტორიებიდან თითქმის ნახევარი მილიონი ტონა მარცვლეული უკანონოდ გაიტანა. ამის შესახებ, Ukrinform-ის თანახმად, აგრარულ პოლიტიკისა და სურსათის მინისტრის პირველმა მოადგილემ ტარას ვისოცკიმ განაცხადა
"ჩვენ ვხედავთ, რომ დაახლოებით ნახევარი მილიონი ტონა მარცვლეული მოიპარეს. არსებობს ამის მტკიცებულება, რომ დროებით ოკუპირებული ტერიტორიებიდან მარცვლეული გააქვთ. ტვირთი მიაქვთ რუსეთში, ძირითადად ხარკოვიდან, დონეცკის, ლუჰანსკის ოლქებიდან, ან ანექსირებული ყირიმის გავლით - ზაპოროჟიისა და ხერსონის ოლქებიდან", - განაცხადა ვისოცკიმ.
ამავდროულად, მინისტრის მოადგილემ იმედი გამოთქვა, რომ წლევანდელი მოსავლის სეზონის დაწყებამდე, უკრაინის არმია შეძლებს დროებით ოკუპირებული ტერიტორიების დაბრუნებას.
შეგახსენებთ, ხერსონის ოლქის კრემლის მიერ დანიშნული სამხედრო-სამოქალაქო ადმინისტრაციის უფროსის მოადგილემ კირილ სტრემუსოვმა განაცხადა, რომ ხერსონის ოლქიდან უკრაინული მარცვლეული რუსეთში გააქვთ.
რუსეთს უკრაინის საპორტო ქალაქები დაბლოკი აქვს, რის გამოც უკრაინიდან სურსათისა და მარცვლელულის ექსპორტი ვერ ხერხდება.
რუსეთის შეჭრამ უკრაინაში საფრთხე შეუქმნა სურსათის გლობალურ მარაგს, რადგან ეს ორი ქვეყანა ხორბლის, ქერის, მზესუმზირის ზეთისს და სიმინდის უმსხვილესი მიმწოდებლები არიან.
