რუსთაველის გამზირზე, პარლამენტის შენობის წინ მიმდინარე მდუმარე საპროტესტო აქციაზე, "თბილისი პრაიდის" ორგანიზებით, ლგბტ დროშა გაშალეს და ლგბტ დროშის ფერებში კვამლი გაუშვეს.
პარლამენტის შენობასთან მდუმარე საპროტესტო აქცია იმართება, რომელსაც პოლიტიკოსები, სამოქალაქო აქტივისტები, "თბილისი პრაიდის" წარმომადგენლები მონაწილეობენ.
მდუმარე აქციის მონაწილეები გმობენ ძალადობას და სოლიდარობას უცხადებენ გუშინდელ აქციაზე დაშავებულ ჟურნალისტებს.
პარალელურად, ქაშვეთის ტაძართან შეკრებილები არიან ძალადობრივი ჯგუფები, რომლებიც პერიოდულად პოლიციის კორდონის გარღვევას და პარლამენტის წინ მიმდინარე აქციისკენ გადაადგილებას ცდილობენ.
ორ პარალელურ აქციას შორის აღმართულია რკინის ჯებირები, მობილიზებულია პოლიცია.
ფოტო: რადიო თავისუფლება.
