"ნამახვანჰესის" მოწინააღმდეგეთა აქციის ორგანიზატორი ვარლამ გოლეთიანი აცხადებს, რომ უერთდებიან ლგბტ პრაიდის მოწინააღმდეგეთა აქციას.
გოლეთიანის განცხადებით, მიუღებელია ისეთი ღონისძიების გამართვა, რომელიც ეწინააღდეგება ქართულ ტრადიციებს. მისივე თქმით, ის გმობს და ემიჯნება ყოველგვარ ძალადობას.
"ჩვენ უბრალოდ პრაიდის იდეას და გარკვეული ცხოვრების წესის პროპაგანდას ვეწინააღმდგებით. ჩვენ საპატრიარქოს მოწოდების საფუძველზე ვართ აქ. საპატრიარქო არის ინსტიტუცია, რომელიც არც ერთ შემთხვევაში არ დააინიცირებს ძალადობას. უნდა აღსრულდეს პარაკლისი, რომელსაც დავესწრებით. როცა დიდი აქციაა და იქ არიან სხვა ადამიანებიც, მრევლის გარდა, რომელთთვისაც ასევე მიუღებელია პრაიდის იდეა და სხვაგვარი ტიპის წინააღმდეგობას თვლიან მიზანშეწონილად, ამას ვერც საპატრიარქო გააკონტროლებს და ვერც ჩვენ", – განაცხადა გოლეთიანმა.
