საქართველოს მართლმადიდებლური ეკლესიის საპატრიარქოს განცხადებით, სავედრებელი პარაკლისი ქაშუეთის ტაძარში ხვალ ორჯერ აღევლინება.
"ვითვალისწინებთ რა მრავალრიცხოვანი მრევლის სურვილს, რომ ორშაბათს, 5 ივლისს, ლოცვა ჩატარდეს შუადღისასაც, ვაცხადებთ: პარაკლისი ქაშუეთის ტაძარში გადახდილი იქნება 13:00 საათზეც.
ასე რომ, სავედრებელი პარაკლისი ქაშუეთის ტაძარში აღევლინება როგორც 13:00 საათზე, ისე 17:00 საათზე", - ნათქვამია განცხადებაში.
მანამდე, საპატრიარქომ მოუწოდა მრევლს, "ღირსების მარშის" საპასუხოდ, ქაშუეთის ტაძართან შეკრებილიყვნენ.
"5 ივლისს, 17:00 საათზე შევიკრიბოთ ქაშუეთის წმ.გიორგის ტაძართან, აღვავლინოთ ყოვლადწმინდა ღვთისმშობლის პარაკლისი და მსოფლიოს ვაჩვენოთ, რომ ჩვენ ჩვენს ღირსებას ვიცავთ და გადაგვარების თავსმოხვეული მცდელობა ჩვენთვის მიუღებელია", - აცხადებდა საპატრიარქო.
ორშაბათს, 5 ივლისს, თბილისში რუსთაველის გამზირზე დაგეგმილია "ღირსების მარშის" მსვლელობა.
